९ महिने शिशु सोनालीको हत्याको १ महिना पुरा, स्थानीयद्वारा दिप प्रज्वलन

न्यूज ब्यूरो, महोत्तरी । महोत्तरी औरहीकी ९ महिने वालिका सोनाली चौधरीको हत्या भएको १ महिना पुरा भएको भन्दै स्थानिय युवाहरुले सडकमै दिपप्रज्वलन गरि मृतक वालिकाप्रति समवेदना प्रकट गरेका छन् । वुधबार साँझ युवाहरु आयोजना गरेको सो श्रद्धाञ्जलीसभामा स्थानिय वुद्धिजिवी एवम राजनितीकर्मीहरुको समेत सहभागी रहेको थियो ।

सो सभाकावीच वडा नं. १ का बडाअध्यक्ष राजकिशोर चौधरीले अबोध वालिका सोनालीको हत्यारा अझ पता लाग्न सकेको छैन । यस सम्बन्धमा कार्यपालिकामा छानविनको लागि माग समेत भएको जानकारी दिनुभयो ।

नगरप्रमुख सुनिल यादवले स्यवम घटनामा संगल्नलाई कारवाहीको माग गर्दै जिल्ला प्रहरी कार्यालयका प्रहरी उपरिक्षक ईश्वर कार्की एवम प्रमुख जिल्ला अधिकारी उमेश कुमार ढकालसमक्ष माग गरेको जानकारी दिनुभयो । प्रहरी प्रशासनलाई अपराधी पत्ता लगाउनको लागि अझ आफुहरुले एक साताको लागि समयसिमा दिईने व्यवसायी समेत रहनुभएका वडाअध्यक्ष चौधरीले बताउनुभयो ।

सोहीवीच स्थानिय राजनितीकर्मी रामदरेश यादवले वालिकाको हत्यारालाई पक्राउ गर्नका खटिएको प्रहरीमाथि आफुहरुको पूर्ण विश्वास रहेको छ । उनीहरुले ईमान्दारपूर्वक काम गरिएतापनि एक महिना वित्दा समेत अपराधी पक्राउ नहुनु एक आफैमा प्रश्न उव्जिएको यादवले धारणा राख्नुभयो ।

स्थानिय सर्वसधारणले वालिका हत्याराको पहिचान भईसकेकोले यथासिघ्र पक्राउ गरि कानुन अनुसार कडा कारवाहीको लागि माग गरिएको यादवले धारणा राख्नुभयो ।

गत भदौ १० गते रक्षाबन्धनका दिन आफनै पसलमा खेलिरहेको समयमा अपहरणमा परेकी ९ महिने वालिका सोनालीको शव भोलीपल्ट फेला परेको थियो । हत्या भएको वालिका सोनालीको हत्याराको पहिचान भएतापनि अझ हत्यारा पक्राउ परेका छैनन् ।