गौशाला बजारमा पसलबाट चोरी, एक नियन्त्रणमा

न्यूज ब्यूरो, महोत्तरी । महोत्तरीको गौशाला बजारमा गएराति एक पसलमा चोरी भएको छ । गौशाला बजारमा कटघरामा संचालित शुरेस रायको किराना पसलबाट गएराति नगद ३० हजार सहित ६० हजार बराबरको चोरी भएको हो ।

टहरामा संचालित सो किराना पसलबाट नगद ३० हजार र ३० हजार बराबरको चोरी भएको पिडित सुरेश रायले बताएका छन् । स्थानिय व्यापारी नागेन्द्र साहका अनुसार गएराति सुनसानको मौका छोपी पसलबाट चोरहरुले चोरी गरिएको हो ।

महिनौ दिनदेखि सो स्थानमा जडान गरिएको सोलार प्यानल विग्रिएको र सो सम्बन्धमा बारम्बार नगरपालिकालाई मर्मतका लागि आग्रह गर्दा पनि वेवास्ता गर्दा वजार क्षेत्रमा विगत पछिल्लो समयमा चोरीको घटनामा वृद्धि भएको स्थानिय व्यापारी साहले बताएका छन् ।

यता, घटनाको सम्बन्धमा शंकाको आधारमा प्रहरीले एकजनालाई नियन्त्रणमा लिएको ईलाका प्रहरी कार्यालय गौशालाको प्रहरी निरीक्षक भोला भट्टले जानकारी दिए ।