बाल दिवसमा शैक्षिक दरबारको 'समग्र मधेस, शिक्षित प्रदेश' सहित नगर परिक्रममा

न्यूज ब्यूरो, धनुषा । बाल दिवसको अवसरमा धनुषाको ग्रामिण भेकमा रहेको नीजि विद्यालय नयाँ जीवन शैक्षिक दरबारले नगर परिक्रमा गरेका छन् ।

धनुषाको शहिदनगर नगरपालिका वडा नं. ८ धबौलीमा स्थापित उक्त विद्यालयले - 'समग्र मधेस, शिक्षिम प्रदेश, छोरा छोरी एक समान, बाल अधिकार सुनिश्चित गरौ, बालश्रम अन्त्य गरौँ, बाल शोषण अन्त्य गरौँ 'जस्ता मूल नारा सहित नगरको विभिन्न भागमा परिक्रमा गरेका छन् ।

विद्यालयका करिब ४ सय जना छात्रछात्रा सहित शिक्षक शिक्षिका र स्थानीय युवाहरुको जमातले उक्त नारा सहित जनचेतनामूलक रयाली निकालेर नगर परिक्रमा गरेको विद्यालयका फाउण्डर विमलेस कुमार पासवानले जानकारी दिए ।

पासवानका अनुसार, ग्रामिण भेकमा भएपनि विद्यालयलाई मोडेल स्कूल बनाउने प्रत्यत्न जारी राखेको भन्दै विद्यालयको पहुँचबाट टाढा रहेका बालबालिकाहरुलाई विद्यालयसम्म पहुँच बनाउने उदेश्यले जनचेतनामूलक रयाली प्रदर्शन गरिएको थियो ।

अन्तराष्ट्रिय वाल दिवसको अवसरमा यी विद्यालयले निरन्तर विभिन्न प्रकारको जनचेतनामूलक कार्यक्रमहरु गर्दै आएको छ । स्कुले बालबालिकाहरुले हातमा प्लेकार्ड बोकी नगर परिक्रमा गरेका थिए ।