राम मनोहरको सम्मानमा मधेसी युवाद्धारा मिर्चैयामा श्रद्धाञ्जली सभा

न्यूज ब्यूरो, सिरहा । प्रहरी हिरासतमा मृत्यु भएका स्वराजी राम मनोहर यादवको सम्मानमा सिरहाको मिर्चैया नगरपालिका वडा नं. १० मथिलेश्वर र वडा १२ सिक्रौनमा श्रद्धाञ्जली सभा गरिएको छ ।

संघीय समाजवादी फोरम नेपालका अध्यक्ष तथा स्वास्थ जनसंख्या एवं उपप्रधानमन्त्री उपेन्द्र यादवको एउटा कार्यक्रममा कालो झण्डा देखाएको आरोपमा पक्राउ परेका डा. सिके राउत नेतृत्वको स्वतन्त्र मधेस गठबन्धनका नेता राम मनोहर यादवको सम्मानमा श्रद्धाञ्जली सभा गरिएको हो ।

श्रद्धाञ्जली सभा कार्यक्रममा उपस्थित मधेशी युवाहरुले यादवप्रति श्रद्धाञ्जली व्यक्त गर्दै घटनाको छानविनको माग समेत गरेका छन् ।

श्रद्धाञ्जली सभामा मिर्चैया नगरपालिकाका विभिन्न वडाका मधेसी युवाहरूको उल्लेखनीय सहभागीता रहेको स्वतन्त्र मधेस गठबन्धन मिर्चैयाका अगुवा युवा अरबिन्द सहनीले न्यूज ब्यूरोसँग भने ।