जनकपुरबाट काठमान्डौँ जाँदै गरेको ईभी गाडी बाटोमै स्टेरिँल लक भएर पल्टियो, एक जना घाईते

न्यूज ब्युरो, जनकपुरधाम । जनकपुरबाट काठमान्डौँ गईरहेको ईभी (ईलेक्ट्रीक गाडी) बाटोमै पल्टिएको छ ।

आज बिहान करिब १०ः०० बजेको समयमा जनकपुरबाट काठमान्डौँ जाने क्रममा मकवानपुरको भैसे तृकण्डेश्वर महादेब मन्दिर नजिक दुर्घटना भएको सवारी धनी राजेश महतोले बताए ।

बागमति प्रदेश ०१–०३२ च १०६२ नम्बरको ईभी गाडीमा गत जेठ ८ गते मात्र खरिद गरिएको थियो । चाईना नाकाबाट आएको डायुन ऐहु एसआई मोडेलेको ईभी गाडी स्टेरिँग लक भएर अटोमेटिक पल्टिएको दाबी सवारी धनीको छ ।

काठमान्डौँ सानेपास्थित सिजी मोटरर्सबाट खरिद गरिएको सो गाडीमा खरिद गरिएदेखि नै समस्या भएको बताएपनि विक्रेताले कुनै ध्यान नदिएपछि दुर्घटना भएको महतोले बताए । उनका अनुसार, सवारी चालक जीतेन्द्र कुमार साह घाईते भएका छन् ।

सडकमा गुडिरहेको सो गाडीमा अचानक स्टेरिँक लक भएको उनले गुनासो गरेका छन् । यसअघिदेखि नै पटक पटक सो सवारीमा समस्या आएको र विक्रेतालाई बताएपनि चासो नलिएको आरोप उनको छ ।