आफ्नै श्रीमानलाई कुटपिट गरी हत्या गर्ने श्रीमति पक्राउ

न्यूज ब्यूरो, धादिँग । धादिँगमा आफ्नै श्रीमानलाई कुटपिट गरी हत्या गर्ने श्रीमतिलाई पक्राउ गरिएको छ ।

गत बैशाख २७ गते धादिँगको सिद्धलेक गाउँपालिका वडा नं. ५ कुम्पुरडाँडास्थित आफ्नै श्रीमानलाई कुटपिट गरी गम्भिर घाईते बनाएकी ३५ बर्षिय शर्मिला परियार पक्राउ परेकी हुन् ।

उनले श्रीमानलाई कुटपिट गरी घाईते बनाएर आफैँ लडेको भन्दै पाटन अस्पताल ललितपुरमा भर्ना गरेकी थिइन् । अनुसन्धान गर्दै जाँदा प्रहरीले शर्मिलाले नै कुटपिट गरी गम्भिर घाईते बनाएर हत्या गरेको प्रमाण फेला परेपछि उनलाई पक्राउ गरिएको जिल्ला प्रहरी कार्यालय धादिँगले जनाएको छ ।