पाकिस्तानमा महागाथा रामायण नाटक मँचन, चौतर्फी प्रशँसा

न्यूज ब्यूरो, जनकपुरधाम । एक पाकिस्तानी नाट्य समूह ‘मौज’ ले पाकिस्तानको कराची शहरमा हिन्दू पौराणिक कथामा आधारित शक्तिशाली महागाथा “रामायण” को नाट्य रूपान्तरण प्रस्तुत गरी सबैलाई चकित पारेको छ।

यस नाट्य समूहले कराची आर्ट्स काउन्सिलमा सप्ताहन्तको अवसरमा “रामायण” को मञ्चन गरेको थियो। यस महाकाव्यलाई जीवित रूपमा प्रस्तुत गर्नका लागि एआई प्रविधिको प्रयोग गरिएकोमा उनीहरूले व्यापक प्रशंसा प्राप्त गरेका छन्।

नाटकका निर्देशक योहेश्वर करेराले भने, “म कहिल्यै पनि सोच्दिनँथें कि रामायणको मञ्चन गरेकै कारण मानिसहरूले मलाई घृणा गर्नेछन् वा मलाई कुनै खतरा हुनेछ। मेरो लागि रामायणलाई मञ्चमा जीवन्त बनाउनु दृश्यात्मक आनन्द हो, र यसले देखाउँछ कि पाकिस्तानी समाज त्यति असहिष्णु छैन जति प्रायः देखाइन्छ।”

करेराले बताए अनुसार यस नाटकलाई राम्रो प्रतिक्रिया प्राप्त भएको छ। दर्शकहरूले कलाकारहरूको अभिनयको प्रशंसा गरेका छन्। कला र फिल्म समालोचक ओमैर अलवीले भने, “म कथाको गम्भीरता देखेर प्रभावित भएँ। गतिशील प्रकाश, प्रत्यक्ष सङ्गीत, रङ्गीन पोशाक र प्रेरणादायी मञ्च सजावटले नाटकलाई अझ भव्य बनाएको थियो।”