जनकनन्दिनीको महुवामा ढल्यो बिजुली पोल, ४ दिनदेखि विद्युत अवरुद्ध, बिजली अफिस लापरवाह

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिका वडा नम्बर ३ महुवास्थित विद्युतिय पोल ढलेको ४ दिन वितिसक्दा पनि नयाँ पोल जडान नहुँदा विद्युत अवरुद्ध भएको छ । 

महुवाका केही स्थानीयहरुको घरमा विद्युत अवरुद्ध भएपछि उनीहरु अन्धकारमा बस्न बाध्य भएका छन् । गत साता आएको हावाहुरीमा विद्युतिय पोल ढलेपछि तुरुन्तै नेपाल विद्युत प्राधिकरण यदुकूहा शाखालाई जानकारी गराएपनि अहिलेसम्म चासो नलिएको गुनासो स्थानीय व्यवसायी गणेश गुप्ताले गुनासो पोखे । 

घर पसलकै अगाडी विद्युतिय पोल ढलेपछि सुरक्षा खतरा समेत बढेको जनाउँदै केही घर परिवार अन्धकारमा बस्न बाध्य भएको सुनाए । पोलबाट जडान गरिएको तार समेत चुँडिएपछि अगाडी जाने लाईन अवरुद्ध भएको हो । 

यदुकूहा वितरण केन्द्रलाई निरन्तर पोल जडानको लागि आग्रह गर्दा पनि लापरवाही देखााएको आरोप गुप्ताले लगाए । उनका अनुसार, यदुकूहाका विद्युत कर्मचारीले कुनै मतलब नलिएको हो । 

विद्युतिय पोल ढल्दा कुनै मानवीय क्षति भने भएको छैनन् । तर, बर्षाको मौसममा तारमा करेन्ट प्रवाह भईरहेकोले मानवीय क्षतिको खतरा बढेको छ ।