कमला नगरपालिकाको निःशुल्क आँखा शिविरमा ८०० बढीले गराए चेकजाँच, १०९ लाई मोतियाबिन्दु

न्यूज ब्यूरो, जनकपुरधाम । धनुषाको कमला नगरपालिकामा आयोजना भएको तीनदिने आँखा शिविरमा ८०० बढी जनाले चेकजाँच गराएका छन् ।

बैशाख २२ गतेदेखि २४ गतेसम्म चलेको तीनदिने निःशुल्क आँखा शिविरमा ८०६ जनाले चेकजाँच गराएको स्वास्थ्य शाखा सँयोजक रामकुमार ठाकुरले जानकारी दिए ।

सो रेयुकाई आँखा अस्पताल ढल्केवरको समन्वय तथा कमला नगरपालिका स्वास्थ्य शाखाको् आयोजनामा चलेको तिन दिवसीय शिविरमा १०९ जनामा मोतियाविन्दुको समस्या देखिएको हो ।

ठाकुरका अनुसार, चेकजाँचमध्ये ३७० जनलाई चश्माको आवश्यकता रहेको बताए । उनीहरुलाई नगरपालिकको तर्फबाट चश्मा प्रदानसहित १०९ जनाको मोतियाबिन्दुको अप्रेशन गर्ने भएको छ ।

शिविर कमला नगरपालिका वडा नं. ५ को लक्कड, वडा नं. ८ को हरिने र वडा नं. २ को माचि झिटकैयास्थित आयोजना गरिएको थियो ।