रुद्रसेन विश्वकर्मा र समिक्षाको 'होली सररर' मा आर्यन सिँग्देल र बिना राउतको रोमान्स

न्यूज ब्यूरो, जनकपुरधाम । गायक रुद्रसेन विश्वकर्माले होली विशेष नयाँ गीत ‘होली सररर’ सार्वजनिक गरेका छन् । उक्त गित बिहीबार युट्युबमा रिलिज गरिएको हो ।

गायकले गायिका समीक्षा अधिकारीसँग मिलेर गाएको यस गीतमा रमाइलो लय तथा तराई–मधेसको होली पर्वलाई झल्काउने शब्द समावेश छन् । गीतमा संगीत र शब्द स्वयं गायककै रहेको छ भने एरेञ्ज योगेश काजीले गरेका छन् ।

म्युजिक भिडियोमा अभिनेता आर्यन सिग्देल, मोडल बिना राउत र गायक स्वयंको दमदार अभिनय देख्न सकिन्छ । भिडियोको छायांकन ओम प्रसाई, सम्पादन अमृत चापागाईं र नृत्य निर्देशन प्रदीप कुमार रसाइलीले गरेका छन् । गायक रुद्रसेन भन्छन्, ‘यो गीतले होलीको माहोललाई अझै रोमाञ्चक बनाउनेछ ।’