बलात्कार मुद्दाका फरार अभियुक्त १ बर्षपछि सिरहा प्रहरीद्धारा पक्राउ

न्यूज ब्यूरो, सिरहा । सिरहा प्रहरीले बलात्कार मुद्दाका एक अभियुक्तलाई एक बर्षपछि पक्राउ गरेर अदालतलाई बुझाएको छ ।

गत २०८० फागुन ८ गते उच्च अदालत जनकपुर राजबिराज ईलासबाट १४ बर्ष कैद र २५ हजार रुपैयाँ जरिवाना तोकिएकोमा फरार रहँदै आएका सिरहा लहान नगरपालिका वडा नम्बर २४ बस्ने ४५ बर्षिय भोगिन्द्र पासवानलाई पक्राउ गरी अदालतलमा बुझाएको हो ।

पासवानमाथि पीडितले दिएको जाहेरीको आधारमा अदालतमा मुद्दा पेश भएपछि उनलाई सजाय सुनाएको थियो । जिल्ला प्रहरी कार्यालय सिरहाबाट खटेको टोलीले सिरहाको लहान नगरपालिका वडा नम्बर १० स्थितबाट पक्राउ गरी बुझाइएको हो ।