जनकपुर र धनुषाधाम नगरपालिकाभित्रका विद्यालयहरु बन्द

न्यूज ब्यूरो, जनकपुरधाम । जनकपुरधाम उपमहानगरपालिका र धनुषाधाम नगरपालिकाको विद्यालयहरु आजदेखि बन्द भएको छ ।

अत्यधिक चिसो बढेपछि जनकपुरधाम उपमहानगर र धनुषाधाम नगरपालिकाले आगामी १३ गतेसम्म विद्यालय बन्द राख्ने निर्णय गरेको हो ।

दुवै स्थानीय तहले विहिबारदेखि आगामी माघ १३ गतेसम्म बन्द रहने तथा १४ गतेदेखि पुनः विद्यालय पूर्ववत सँचालनमा आउने सूचना जारी गरेको हो ।

धनुषाधाम नगरपालिकाका प्रमुख प्रशासकीय अधिकृत सँजीत प्रसाद दासद्धारा जारी गरिएको सूचनामा १३ गतेसम्म बन्द भई १४ गतेदेखि पुनः विद्यालय सँचालनमा आउने उल्लेख छ ।

अत्यधिक चिसोको कारण बालबालिकाहरुमा पर्न सक्ने स्वास्थ्य प्रतिकूल असरलाई मध्यनजर गर्दै विदाको निर्णय गरेको अधिकृत दासले जानकारी दिए ।