धनुषाको दिगम्बरस्थित पोखरीमा युवकको लास फेला

न्यूज ब्यूरो, जनकपुरधाम । धनुषामा पोखरीमा एक युवकको लास फेला परेको छ ।

धनुषाको क्षीरेश्वरनाथ नगरपालिका वडा नम्बर ८ दिगम्वरपुरस्थित पोखरीमा बुधबार बिहान एक युवकको लास फेला परेको हो ।

जिल्ला प्रहरी कार्यालय धनुषाले दिएको जानकारी अनुसार, स्थानीय गगनदेव महराको करिव २१ वर्षीय छोरा आँसु महराको शव पोखरीमा तैरिरहेको अवस्थामा फेला परेको हो।

पोखरीबाट लास निकालेर पोष्टमार्टमका लागि पठाएको र थप छानविन भईरहेको ईलाका प्रहरी कार्यालय महेन्द्रनगरले जनाएको छ ।

स्थानीयले दिएको जानकारी अनुसार चारपाँच दिनदेखि हराईरहेका महराको शव दिगम्वरपुर मा.वि. स्कुल नजिकै रहेको पोखरीमा फेला परेको हो । बिहानै पोखरीमा शव तैरीरहेको देखेपछि स्थानीयले ईलाका प्रहरी कार्यालय महेन्द्रनगरमा खबर गरेको थियो ।