शास्त्रः यी दुई दिन बाहेक अन्य दिन दाह्री, जुँगा वा कपाल काटे हुन्छ अकाल मृत्यू

न्यूज ब्यूरो, जनकपुरधाम । शास्त्रमा क्षौर कर्म दिनाँक अनुसार नगरे अकाल मृत्यू हुने उल्लेख छ । शास्त्रमा दाह्री, कपाल वा जुँगालाई छुरा वा ब्लेडले काटनुलाई क्षौर कर्म मानिएको छ ।

पहिले दाह्री दायाँ भागबाट पूर्ण रुपमा बनाएर मात्र जुँगा र त्यसपछि कपाल काटनुपर्ने धारणा शास्त्रको क्षौर कर्ममा उल्लेख छ । यसको लागि भारतका चर्चित साधु प्रेमानन्द महाराजले समेत यसको जिकिर गरेका छन् ।

एकादशी, चतुर्दशी, अमावश्या, पूर्णिमा, संक्रांति, व्यतिपात, विष्टि (भद्रा), व्रतको दिन, श्राद्धको दिन मंगलवार र शनिवार क्षौर कर्म गर्न नहुने उल्लेख छ ।

आईतबार क्षौर कर्म गराएपछि एक महिना, शनिबारको दिन दाह्री, जुँगा वा कपाल कटाएपछि सात महिना , सोमबारको गराएपछि आठ महिनाको आयू अभिमानी देवताले क्षीण गर्ने उल्लेख छ । यसले आयूभन्दा अकाल मृत्यूको सँकेत मानिएको छ ।

यस्तै, बुधबारको क्षौर कर्म गरेपछि पाँच महिना, विहिबारको गरेपछि १० महिना र शुक्रबारको क्षौर कर्म गरेपछि ११ महिनाको आयू वृद्धि हुने मान्यता छ । शास्त्रमा उल्लेख अनुसार सोमबार मात्र बुवाले छोराको लामो आयूको लागि क्षौर कर्म गर्न सकिने छ । अभिमानी देवताले यी दिनहरुमा क्षौर कर्म गरेपछि आयू बढने उल्लेख छ ।

पुत्रको ईच्छा राख्ने बुवाले सोमबार र लक्ष्मी अर्थात छोरीको ईच्छा राख्नेले विहिबारको दिन क्षौर कर्म गर्न नहुने शास्त्रमा उल्लेख छ । यो मान्यता अझै चल्दै आएको छ ।