न्यूज ब्यूरो, जनकपुुरधाम । कमला पुल भाँसिएको ३ बर्ष बढी भएपनि पूल निर्माण हुन नसक्दा आम नागरिकलाई सास्ती भोग्नु परेको छ ।
भत्केको कमला पूलस्थित काठेपुल निर्माण भएपनि पूर्वी धनुषाको अन्य ठाउँबाट आवतजावत सहज बनाउन शहिदनगरको रामघाटमा काठेपुल निर्माण गरिएको छ ।
शहिदनगर नगरपालिका वडा नम्बर १ कुभ्म घाट, रामघाटमा स्थानीय युवाहरुले काठेपुल निर्माण गरी आवतजावत सहज बनाएको हो । सिरहातर्फ जानको लागि शहिदनगरबाट हुलाकीसम्म जान टाढा पर्ने गरेको छ । सोही समस्यालाई मध्यनजर गर्दै रामघाटस्थित समेत काठेपुल निर्माण गरिएको हो ।
विगत एकसातादेखि स्थानीय युवाहरु एकजुट भई सो पूल निर्माण गरेका हुन् । स्थानीय मनोज कुमार यादवको आर्थिक सहयोग तथा स्थानीय युवाहरुको श्रम सहयोगबाट पूल निर्माण गरिएको हो ।
धनुषा कमला रामघाट र सिरहा चिकना जोड़ने कमला नदीमा पुल निर्माण कार्य सम्पन गर्नको लागि स्थानीय दयाराम, शम्भु, राकेश, शिव शरण मोन्हा, मनोज , लालु, पवन, सरोज, विजय, सन्जन, लक्ष्मीश्वर ,बिजय कुमार र जित नारायण लगायतका युवाहरुले सहयोग गरेका हुन् ।
बच्चा खेलाउँदै बाँदर
- २०८१ मङ्सिर १५ शनिबार
.jpeg)
.jpeg)
