विवाहपँचमीः सीताको मटकोर कमला नदीमा हुने, हुलाकी सडक हुँदै रथयात्रा कमला जाने

न्यूज ब्यूरो, जनकपुरधाम । प्रत्येक बर्ष जनकपुरमा मनाइने विवाहपँचमी महोत्सव अन्तर्गतको मटकोर कार्यक्रम यसपाली पनि कमला नदीमा हुने भएको छ ।

पौराणिक कालममा जगत जननी सीताको वैवाहिक कार्यक्रम अन्तर्गत मटकोरको लागि ऐतिहासिक एवम् धार्मिक नदी कमलामा मटकोर गरेको किम्बदन्ती अनुसार मटकोर कमला नदीमा हुने भएको छ ।

जनकपुरको सुन्दर सदन, अग्नीकुण्ड मन्दिरबाट शोभायात्रासहित सीताको मटकोरको लागि कमला नदी जाने भएको छ । मँसिर २० गते विहिबार जनकपुरको कदमचोक हुँदै कपिलेश्वर, देउरी परवाहा, औरही, तिनकोरिया, सराबे, माचि झिटकैया, लगमा हुँदै दुबरकोट हथलेटवा भई सिंग्याही मडान कुम्भ घाटमा मटकोर हुने कार्यक्रम तय गरिएको ।

कमला बचाउ अभियानको सहकार्यमा हुने लागेको मटकोर कार्यक्रममा सहभागी हुने श्रद्धालुहरुलाई आग्रह गरिएको छ । हुलाकी सडकबाट जाने मटकोरको रथ यात्रामा ठाउँ ठाउँमा स्वागत गर्न आग्रह कमला बचाउ अभियानका सँयोजक विक्रम यादवले गरेका छन् ।