विरामीले थलिएकी जनकनन्दिनीकी पासवानलाई सल्हेश स्पोर्टस क्लबको आर्थिक सहयोग

न्यूज ब्यूरो, जनकपुरधाम । धनुषाको जनकनन्दिनी गाउँपालिका वडा नम्बर ३ महुवास्थित आर्थिक मँदी र विरामीले थलिएकी एक युवतिलाई आर्थिक सहयोग गरिएको छ ।

महुवास्थित रहेको सल्हेश स्पोर्ट्स क्लबले पासवान परिवारलाई औषधी उपचारको लागि २१ हजार रुपैयाँ सहयोग गरेको हो ।

स्थानीय सुरज पासवानकी छोरी गम्भिर रोगबाट ग्रसित भएको थाहा पाएपछि क्लबका सदस्य, पदाधिकारीहरुले २१ हजार रुपैयाँको सहयोग गरेको हो ।

आर्थिक अवस्था शून्य रहेको पासवानको परिवारलाई उनको उपचारको लागि समस्या भएपछि उनले गाउँले र सहयोगी हातहरुलाई मदतको लागि आग्रह गरेको थियो ।