धनुषाको तिनकोरियामा पनि सुनैना आँखा अस्पताल सँचालनमा

न्यूज ब्यूरो, जनकपुरधाम । धनुषाको विदेह नगरपालिका तिनकोरिया चोकस्थित आँखा अस्पताल सँचालनमा आएको छ ।

जनकपुरको कमदचोकस्थित सँचालनमा रहेको सुनैना आँखा अस्पतालको शाखाको रुपमा विदेह नगरपालिका वडा नम्बर ६ तिनकोरिया चोकस्थित आँखा अस्पताल सँचालनमा आएको हो ।

तिनकोरियास्थित बुधबार एक कार्यक्रमबीच आँखा तथा कान उपचार केन्द्र सँचालनमा ल्याएको हो ।

वडा नं. ६ का वडाध्यक्ष जयकुमार मण्डलको अध्यक्षता तथा डा. रञ्जना ठाकुरको प्रमुख आतिथ्यमा एक समारोहबीच आँखा तथा कान उपचार केन्द्र सँचालनमा ल्याएको हो ।

सो समारोहमा दृष्टि विशेषज्ञ सुभाष यादव, तिनकोरिया प्रहरी चौकीका सई श्यामानन्द मण्डलको विशेष उपस्थितिमा आँखा अस्पतालको उदघाटन गरिएको हो ।

मात्र ५० रुपैयाँको रसिदमा चेकजाँच गरिने अस्पतालले जनाएको छ ।