आज जानकी मन्दिरमा सामा-चकेवा खेल प्रतियोगिता हुँदै

न्यूज ब्यूरो, जनकपुरधाम । मैथिलि विकास कोषद्धारा जनकपुरको जानकी मन्दिरमा सामा चकेवा खेल प्रतियोगिता हुने भएको छ ।

आज (विहिबार) साँझ ४ बजेदेखि जानकी मन्दिरको प्राँगनमा सामा चकेवा खेल प्रतियोगिता हुने मैथिलि विकास कोषका जीवनाथ चौधरीले जानकारी दिए ।

पारम्पारिक सामा चकेवा खेललाई जीवन्त राख्न र सँस्कृति विकासको लागि प्रथम पटक सामा चकेवा खेल प्रतियोगिता गराउन लागेको चौधरीले बताए । मधेश र मिथिलाको धरोहरलाई जीवन्त राख्नको लागि यहाँका बहिनीहरुले खेल्ने सामा चकेवा प्रतियोगिता गराउन लागिएको हो ।

साँझ ४ बजेदेखि सामा चकेवा प्रतियोगिता कार्यक्रम सुरु हुने जनाइएको छ । यद्यपी, जानकी मन्दिर प्राँगनमा जानकी मन्दिर बाहेकका अन्य कार्यक्रमहरु प्रशासनले निषेध गरेको छ ।