जलेश्वर र लहान प्रादेशिक अस्पतालका व्यवस्थापन समितिलाई मन्त्री सिँहले गरे पदमुक्त

न्यूज ब्यूरो, जनकपुरधाम । मधेश सरकार अन्तर्गतको स्वास्थ्य तथा जनसँख्या मन्त्रालयले प्रादेशिक अस्पताल जलेश्वर र प्रादेशिक अस्पताल सिरहा लहानको अस्पताल व्यवस्थापन समितिका सदस्यहरुलाई पदमुक्त गरेको छ ।

मधेश सरकारको मन्त्रीस्तरीय बैठकको निर्णय अनुसार स्वास्थ्य तथा जनसँख्या मन्त्री सत्रुधन प्रसाद सिँहले जलेश्वर अस्पताल र लहान अस्पतालका व्यवस्थापन समिति अध्यक्षसहित सदस्यहरुलाई समेत पदमुक्त गरिएको हो ।

मन्त्रालयको पत्रानुसार, प्रादेशिक अस्पताल जलेश्वर र प्रादेशिक अस्पताल लहानको व्यवस्थापन समिति अध्यक्ष सहित पदाधिकारीलाई स्पष्टिकरण सोधिएको थियो । स्पष्टिकरणमा सँतोषजनक जवाफ नआएपछि उनीहरुलाई कारवाही गरी पदमुक्त गरिएको हो ।