सिरहामा एउटै पोखरीमा डुबेर दुई बालकको मृत्यू, टोल शोकमग्न

न्यूज ब्यूरो, सिरहा । सिरहामा एउटै पोखरीमा डुबेर दुई बालकको मृत्यू भएको छ । गाउँ नजीकै रहेको एक पोखरीमा डुबेर दुई बालकको मृत्यु भएको छ।

सिरहाको नरहा गाउँपालिका वडा नम्बर ३ खोरियाटोलका शुशील मण्डलको छोरा ६ वर्षिय राहुल मण्डल उनकै भान्जा अन्दाजी ८ वर्षिय आशिष मण्डलको मृत्यु भएको जिल्ला प्रहरी कार्यालय सिरहाले जनाएको छ ।

सोमबार करिव ११ बजेबाट हराईहेका दुबै बालको प्रहरीको समेत सहयोगमा राती अवेरसम्म खोजतलास गर्दा पनि फेला नपरेका इलाका प्रहरी कार्यालय मिर्चैयाले जानकारी दिए।

सोमबार बिहान गाउँकै एकजना खेत खन्न गएकोबेला कसहाबाला भन्ने बसन्त यादवको पोखरीमा शव तैरिरहेको अवस्थामा देखेपछि हामीलाई खवर गरेको इलाका प्रहरी कार्यालय मिर्चैयाका प्रमुख डीएसपी पञ्चकुमार बाखुले जानकारी दिए।

तत्काल पुगेका प्रहरीले आवश्यक प्रकृया पुरागरी शव पोष्टमार्टमकोलागि प्रादेशीक अस्पताल सिरहा लगिएको छ।

यस क्षेत्रमा स्थानीय ग्राभेल माफियाहरुले जथाभावी ग्राभेल उत्खनन् गर्दा बनेको खाण्डोमा जमेको पानीमा डुवेर वर्षेनी बाल बालिकाको मृत्यु हुने गरेको छ।