100's Group ले मटिहानीका अग्नी पीडितहरुलाई भोलीदेखि एक सातासम्म खाना खुवाउने

न्यूज ब्यूरो, जलेश्वर । महोत्तरीको मटिहानीमा भएको भिषण आगलागीपछि खाना, वास, कपासको आवश्यकता अनुसार १०० ग्रुपले दैनिक खाना खुवाउने भएको छ ।

सरकारबाट उचित व्यवस्थापन नभएसम्म समाजिक कार्यमा सदैव कार्यरत १०० ग्रुपले भोली आईतबारदेखि एक सातासम्म दैनिक ५०० जनाको लागि खाना खुवाउने भएको छ ।

महोत्तरीको मटिहानी नगरपालिकास्थित जरलहवा वस्तीमा भएको भिषण आगलगीपछि सयौँ घर जलेर ध्वस्त भएपछि स्थानीयहरु घरवारबिहिन भएको हो । सोही अवस्थालाई मध्यनजर गर्दै पीडितहरुलाई दैनिक रुपमा खाना खुवाउने १०० ग्रुपका रियाज साफीले जानकारी दिए ।

१०० ग्रुपले बिहान र बेलुका गरी दुई छाक दैनिक रुपमा खाना खुवाउने तयारी गरेको हो । प्रत्येक दिन दाता, सहयोगी हातहरुले खाना खुवाउँदै आएकोमा भोलीदेखि १०० ग्रुपले खानाको जिम्मेवारी लिएको हो ।