ट्रयाक्टर पल्टिदाँ रौतहटमा एक विद्यार्थीको घटनास्थलमै मृत्यू, गाउँ नै शोकमग्न

न्यूज ब्यूरो |
रौतहट, २७ जेठ । ट्राक्टर पल्टिदाँ च्यापिएर रौतहटमा एक विद्यार्थीको ज्यान गएको छ ।

ओभर लोड र तिब्रगती भएको ट्रयाक्टर पल्टिँदा एक विद्यार्थीको मृत्यु भएको बताईएको छ ।

रौतहटको राजपुर नगरपालिका वडा नंबर १ बडहर्वा चौक नजिक बाँस लोड गरि गौर तर्फ आइरहेको ना. ४ त ३८०५ नम्बरको ट्रेक्टर अनियन्त्रित भई पल्टिदाँ च्यापिएर रौतहट गौर नगरपालिका वडा नंबर ४ टिकुलिया निवासी रामारमन सहनीको छोरा अंदाजी २० बर्षीय सुधिर सहनीको घटना स्थलमै मृत्युु भएको हो।

युवक सहनी घरायसी प्रयोजनको लागि ट्याक्टरमा लोड गरी बाँस ल्याउन एका बिहानै बाँस घारी पुगेका थिए ।

सहनी गौर मै रहेको महर्षि वाल्मीकि क्याम्पसमा आई.एसी दोस्रो तहमा पढ्दै थियो। सो ट्रेक्टरका चालक फरार रहेको प्रहरीले जनाएको छ ।

शवलाई पोस्टमार्टमका लागि जिल्ला अस्पताल गौरमा ल्याईएको र घटनाको बारेमा अनुसन्धान भई रहेको र चालकको खोजी कार्य जारी रहेको प्रहरीले जनाएको छ। ट्रयाक्टर चालक स्थानीय एक युवक भएको र उनीसंग सवारी अनुमतीपत्र समेत नरहेको स्रोतले जनाएको छ ।

घटना घटे लगत्तै परिवारजन सहित टिकुलियावासि शोकमा डुबेका छन् ।