सर्लाहीमा काठको चीर्पट प्रहार गरी एक महिलाको हत्या

न्यूज ब्यूरो, सर्लाही । मधेश प्रदेशस्थित काठको चिर्पट प्रहार गरी एक महिलाको हत्या गरिएको छ । सर्लाही जिल्लास्थित एक वृद्धाको हत्या भएको हो । बागमती नगरपालिका वडा नम्बर ४, जिरायतकी ७० वर्षिया पार्वतीदेवी महतोको हत्या भएको हो ।

महतोको दाउराको चिर्पट प्रहारबाट हत्या भएको सर्लाही प्रहरीले जनाएको छ ।

बुधबार साँझ ६ बजे तिर घरमै हत्या गरेको अवस्थामा उनको शव फेला परेको थियो । हत्यामा संलग्न भएको आशंकामा प्रहरीले विहिबार बिहान एक युवालाई नियन्त्रणमा लिएको हो ।

‘सीसीटीभी फूटेज’ को अनुसन्धानबाट २८ वर्षिय युवालाई पक्राउ गरी सोधपुछ थालिएको प्रहरीले जनाएको छ । वृद्धाको हत्याको कारण खुलेको छैन ।