धनुषाधाम विद्यालयको पठनपाठन अनश्चितकालिन ठप्प

न्यूज ब्यूरो |
जनकपुरधाम, २७ जेठ । धनुषाको धनुष जनता माध्यमिक तथा प्राविधिक विद्यालयमा पठनपाठन अनिश्चतकालको लागि ठप्प पारिएको छ ।

धनुषाको धनुषाधाम नगरपालिका वडा नं. ३ स्थित धनुषाधाममै रहेको उक्त विद्यालयका शिक्षक शिक्षिका तथा कर्मचारीहरुले तलब भत्ता उपलब्ध गराउने माग गर्दै अनिश्चितकालिन ठप्प गर्ने घोषणा गरेका हुन् ।

गत जेठ २५ गते नै कर्मचारीहरुले गत १ वर्षदेखि तलबभत्ता उपलब्ध नगराएको भन्दै ३ दिनभित्र उपलब्ध गराउनको लागि अल्टिमेटम दिएको थियो ।

पूर्व घोषित कार्यक्रम र घोषणा अनुसार अल्टिमेटम समयभित्र माग पुरा नभएको भन्दै माग पुरा नभएसम्म विद्यालयको सम्पूर्ण कामकाज अनिश्चितकालको लागि ठप्प पारेका छन् ।

स्थानीय तह सँचालन भएपछि नगरपालिका कार्यालयको माहतमा तलब भत्ता उपलब्ध गराउनुपर्नेमा गत वर्षको श्रावणदेखि नै तलबभत्ता उपलब्ध गराएका छैनन् ।