धनुषाधाम वनमा लागेको आगो झण्डै ७ घण्टापछि नियन्त्रणमा

न्यूज ब्यूरो, जनकपुरधाम । धनुषाधाम स्थित रहेको संरक्षित वनमा लागेको आगो झण्डै ७ घण्टापछि नियन्त्रणमा आएको हो ।

नेपाली सेना, सशस्त्र प्रहरी, जनपद प्रहरी र स्थानीयहरुको विशेष सहयोगमा झण्डै ७ घण्टापछि आगो नियन्त्रणमा आएको हो । धनुषाधाम नगरपालिका वडा नम्बर ८ किसानपुर तर्फबाट लागेको आगो पूर्व हुँद दक्षिण बजारतर्फ सल्किदैँ आउँन लाग्दा करिब १० हेक्टरमा आगो सल्केको थियो ।

समयमै धनुषाधाम नगरपालिकाको बारुण यन्त्र, गणेशमानचारनाथ नगरपालिकाको बारुण यन्त्र र जनकपुरधामको बारुण यन्त्र गएपछि सुरक्षाकर्मी र स्थानीयहरुको सहयोगमा आगो नियन्त्रणमा लिएको हो ।

दिउँसो १२ बजेदेखि लागेको आगो अपरान्ह ६ बजेसम्म आगो नियन्त्रणमा लिएको हो । श्री नं १ राजदल गण, सशस्त्र पहरी बल धनुषाधाम र ईलाका प्रहरी कार्यालय धनुषाधामसहित स्थानीयहरु, जनप्रतिनीधिहरु, किसानहरुले मिलेर आगो नियन्त्रणमा लिएको हो ।

धनुषाधाम नगरपालिकाको बारुण यन्त्र ,गणेशमान चारनाथ नगरपालिकाको बरुण यन्त्र ,क्षिरेश्वरनाथ नगरपालिकाको बारुण यन्त्र,जनकपुरधाम उपमहानगरपालिकाको बारुण यन्त्र ,मधेश प्रदेश गण नेपाल प्रहरी गणको बारुण यन्त्र,स्थानीयहरुको जेसिबि लगाए नियन्त्रण गरिएको छ ।

आगो नियन्त्रण गर्न धारापानी श्री नं १ राजदल गणको सहायक सेनानी बद्रीनाथ बस्नेतको कमान्डमा आएको टोलिले नियन्त्रण गर्न नियन्त्रण गरेका थिए । ईलाका प्रहरी कार्यलय धनुषाधामको प्रहरी निरक्षक किरण लामाको टोलि ,शश्त्र प्रहरी बेश क्यामप सर्साको प्रहरी निरक्षक अशोक चालिसे यदुकोहा सशसत्र प्रहरी टोलि लगायत स्थानीयहरु वनको कर्मचारीहरुले अथक प्रयास गरेका थिए ।

सो क्रममा रेडियो धनुषाधामका सँचालक एवम् न्यूज ब्यूरोका पत्रकार विनय कुमार यादवको सँचार प्रभावले समयमै सहयोग जुटेको वन प्रमुख शँकर नारायण झाले बताए । पत्रकार यादवले निरन्तर रिपोर्टिँग गर्दै सँचार प्रवाह गरेका थिए ।