चर्को साउण्डमा डिजे बजाएको आरोपमा डिजेबाला पक्राउ, धनुषा प्रहरी अझै असक्षम

न्यूज ब्यूरो, बारा । जिल्ला प्रहरी कार्यालयले चर्को साउण्डमा डिजे नबजाउन सूचना जारी गरेपनि अटेरी गरेको आरोपमा एक युवक पक्राउ परेका छन् ।

बारा जिल्लाको कलैया उपमहानगरपालिका वडा नम्बर ९ रामपुर बस्ने ३० बर्षिय मनौवर मियाँलाई प्रहरीले पक्राउ गरेको हो ।

बारा प्रहरीले केही दिन पहिला चर्को आवाजमा डिजे बजाउनेलाई पक्राउ गरेर कारवाही गर्ने सूचना निकालेको थियो । सोही सूचनालाई कार्यनयन गर्दै बारा प्रहरीले चर्को आवाजमा डिजे बजाएर ध्वनी प्रदूूषण गर्ने एक जना व्यक्तिसहित डिजे र गाडी नियन्त्रणमा लिएको छ ।

सोमबार दिउँसो उपमहानगरपालिकाको बजार एरियामा चर्को आवाजमा डीजे बजाउँदै गरेको अवस्थामा नेपाल सुनिल बैण्डका मियाँलाई पक्राउ गरिएको प्रहरी नायब उपरीक्षक दधिराम न्यौपानेले जानकारी दिए । उनलाई डीजे गाडीसहित नियन्त्रणमा लिएर आवश्यक अनुसन्धान प्रक्रिया अगाडि बढाइएको न्यौपानेले बताएका छन् ।

यता, धनुषा प्रहरीले दर्जनौ पटक चर्को साउण्डमा डिजे नबजाउन भनेपनि अटेरी हुँदै आएको छ । ग्रामिण भेकमा मात्र नभई जनकपुर शहरभित्रै चर्को साउण्डमा डिजे आतँक मच्चिदाँ धनुषा प्रहरीले एक्सन लिनबाट डराएको हो । स्थानीयहरुको डरले धनुषा प्रहरी एक्सन लिन नचाहेको गुनासो छ ।

यता, केही बुद्धिजीवीहरुले डिजेबालाहरुसँग मासिक उठाउने प्रहरीहरु समेत सोही डिपार्टमेन्टमा भएकोले कारवाहीको नाटक मात्रै गर्दै आएको हो ।