सिरहामा भोलीदेखि १० दिनसम्म दैनिक ७ घण्टासम्म लोडसेडिङग हुने

न्यूज ब्यूरो, सिरहा । नेपाल विद्युत प्राधिकरणले भोली मँगलबारदेखि सिरहाको केही स्थानमा १० दिनसम्म लोडसेडिँग गर्ने भएको छ ।

नेपाल विद्युत प्राधिकरण सिरहा वितरण केन्द्रले एक सूचना जारी गर्दै भोली फागुन २९ गतेदेखि आउँदो चैत्त ०८ गतेसम्म सो वितरण केन्द्रबाट जडान भएको विद्युत लाइन केही घण्टाको लागि दैनिक काटिने जनाएको हो ।

विष्णुपुर लहान सडकखण्डको ३३ केभिए लाइनमा कन्डक्टर अपग्रेडिँग कार्य गर्नुपर्ने भन्दै प्राधिकरणले भोली मँगलबारदेखि चैत्त ८ गतेसम्म बिहान ६ः०० बजेदेखि दिउँसो १ः०० बजेसम्म ७ घण्टा लोडसेडिँग हुने जनाएको हो ।

विष्णुपुर सव–स्टेशनबाट सँचालित सिरहा वितरण केन्द्रका सम्पूर्ण क्षेत्रको लाईन अवरुद्ध हुने सूचनामा उल्लेख छ । सो अघि नै कार्य सम्पन्न भए चाँडै विद्युतको लाईन दिन सकिने पनि उल्लेख गरिएको हो ।