धनुषामा ट्रयाक्टर र मोसा जुध्यो, एक घाईते, मोटरसाईकल चकनाचुर

न्यूज ब्यूरो, जनकपुरधाम । धनुषामा मोटरसाईकल (मोसा) र ट्रयाक्टर एक आपसमा जुध्दा दुर्घटना भएको छ ।

धनुषा जिल्लाको शहिदनगर नगरपालिका वडा नम्बर ३ यदुकूहा झण्डाचोकस्थित मोटरसाईकल र ट्रयाक्टर जुधेको हो । झण्डाचोकस्थित रहेको चारमुखे सडक अन्तर्गत ज ७ प ५३८४ नम्बरको ट्रयाक्टले विपरित दिशातर्फबाट आएको मोटरसाईकललाई ठक्कर दिएको जनाईएको छ ।

पल्सर मोटरसाईकल ईट बोकेको ट्रयाक्टरको टेलारीभित्र गएर चकनाचुर भएको हो । यद्यपी, मोटरसाईकलमा सवार युवकको ज्यान जोखिएको प्रत्यदर्शीहरुले बताएका छन् । यसबारे थप विवरणको लागि जिल्ला प्रहरी कार्यालय धनुषाले भने दिएनन् ।

प्रधानमन्त्री प्रचण्ड धनुषा आएको बेला सुरक्षाकर्मीहरु कमला नदीतर्फ गएको कारण अधिकारिक जानकारी भने प्राप्त हुन सकेनन् । मोटरसाईकल र ट्रयाक्टर दुवै ईलाका प्रहरी कार्यालय यदुकूहाको नियन्त्रणमा रहेको छ ।