सम्झौता र कार्यादेश बिना योजना सँचालन गरे भुक्तानी हुदैनः अधिकृत यादव

न्यूज ब्यूरो, जनकपुरधाम । जनकनन्दिनी गाउँपालिकाका कार्यालय प्रमुख शैलेस यादवले बिना कार्यादेश वा सम्झौताको कुनै पनि योजना सँचालन गरि भुक्तानी दिन बाध्य नहुने बताएका छन् ।

गाउँपालिकाले एक सूचना जारी गर्दै जनकनन्दिनी गाउँपालिकाको वडा नम्बर १ देखि ६ सम्मलाई सम्बोधन गर्दै कार्यादेश वा सम्झौता बिना कुनै पनि कार्यक्रम सँचालन गरिए त्यसको भुक्तानी नदिने अडान कसेका छन् ।

भर्खरै प्रमुख प्रशासकीय अधिकृतको जिम्मेवारी सम्हालेका यादवले विभिन्न वडामा वडाध्यक्षहरुले अनुमति, कार्यादेश, सम्झौता बिना नै कार्यक्रम सँचालन गर्ने तरखरमा रहेको तथा केही योजनाहरु पूर्व अनुमति र कार्यादेश विना नै सँचालन गरिसकेको जनाउँदै त्यस्ता भुक्तानी नहुने जनाएको छ ।

सूचिकृत योजनाहरुलाई सँचालनको लागि प्रकियागत रुपमा जानको लागि आग्रह समेत अधिकृत यादवले गरेका छन् ।