साँसद यादवको रोहबरमा २०० बालबालिकालाई स्कुल ब्याग

न्यूज ब्यूरो |
जनकपुरधाम, २५ जेठ । समाजसेवी एवम् प्रदेश सभा सदस्य राम अशिष यादवको रोहबरमा धनुषाका २ सय बालबालिकालाई स्कूल ब्याग र स्टेशनरी वितरण गरिएको छ ।

रिडमोर पब्लिकेशनका क्षेत्रिय म्यानेजर अमित कुमार झाको आमाको ४ औँ स्मृति दिवसको अवसरमा शुक्रवार जनकपुर उपमहानगरपालिका वडा नं. १७ स्थित आधारभूति विद्यालय मानसिँगपट्टीमा बालबालिकाहरुलाई स्कूले ब्याग तथा कापी कलम समेत वितरण गरिएको हो ।

गँगासागर सफाई अभियानका सँयोजक एवम् क्लीन एण्ड ग्रीन जनकपुर तथा प्लास्टिमुक्त झोला अभियान जनकपुरका सँयोजक समेत रहेका प्रदेश साँसद यादवकै प्रमुख आतिथ्यमा बालबालिकाहरुलाई शैक्षिक समाग्री वितरण गरिएको हो ।

समाग्री वितरण कार्यक्रममा विशिष्ट अतिथि पूर्व एआईजी वीजय लाल कायस्थ, समाजसेवी रवि गोयन्का र कृष्ण चन्द्र साहको समेत विशेष उपस्थित रहेको थियो ।

समाजसेवी गोयनका र झाले शैक्षिक समाग्री सहयोग गरेको उक्त विद्यालयका प्रधानाध्यापक लगायत शिक्षक÷शिक्षिका तथा अभिभावक वर्गको समेत उपस्थिति रहेको थियो ।

समाजसेवी गोयनका र झा विभिन्न विद्यालयमा शैक्षिक समाग्री सहित पाठ्यपुस्तकहरु लाईब्रेरीको लागि सहयोग गर्दै आएको छ ।