धनौजीको स्वास्थ्य चौकीमा जनप्रतिनीधिले लगाए ताला

न्यूज ब्यूरो, जनकपुरधाम । सीमावर्ती स्थानीय धनौजी गाउँपालिकाको धनौजीस्थित रहेको स्वास्थ्यचौकीमा ताला लगाईएको छ । धनौजी गाउँपालिका वडा नम्बर २ धनौजीका जनप्रतिनीधिले स्वास्थ्यचौकीमा तालाबन्दी गरिएको हो ।

धनौजी गाउँपालिका वडा नं. २ स्थित रहेको समुदायिक स्वास्थ्य चौकीमा विगत ४ दिनदेखि एउटा नै कर्मचारी नआउन थालेपछि वडा सदस्य रोशन मिश्रले आफैँ पुगेर तालाबन्दी गरेको हो । यसअघि मिश्रले सम्बन्धित पक्ष र ओहोदाका व्यक्तिलाई स्वास्थ्यचौकीको अवस्थाबारे जानकारी गराएका थिए ।

जानकारी गराएपनि सम्बन्धित निकाय र पालिकाले ध्यान नदिएपछि बाध्य भएर तालाबन्दी गरेको बताए । वडा सदस्य मिश्रले आफैँ स्वास्थ्यचौकी पुगेर तालाबन्दी गरेको हो ।

बुधबार समेत कुनै कर्मचारी नआएपछि दिउँसो तालबन्दी गरिएको हो ।