जनकपुरः स्कूल बसले मोटरसाईकललाई ठक्कर दिएपछि एक युवक गम्भिर

न्यूज ब्यूरो, जनकपुरधाम । धनुषामा स्कूल बसले ठक्कर दिएपछि एक युवकको अवस्था गम्भिर भएको छ । युवक सख्त घाईते भएको स्थानीयहरुले जनाएको छ ।

आज (आईतबार) धनुषाको धनुषाधाम नगरपालिका वडा नं. ५ पर्बता र नौयसविघाको बीचमा सो दुर्घटना हुँदा अन्दाजी २० बर्षिय सुरज झा गम्भिर घाईते भएका हुन् ।

धनुषाको क्षीरेश्वरनाथ नगरपालिका वडा नं. ५ महेन्द्रनगरस्थित सँचालनमा रहेको दर्शनीया बोर्डिङग स्कूलको ना १ क ४४८६ नम्बरको स्कूल बसले बा ५८ प ५५०७ नम्बरको मोटरसाईकललाई ठक्कर दिएपछि दुर्घटना भएको हो । दुर्घटनामा घाईते भएका युवक पनि महेन्द्रनगरकै रहेको बुझिएको छ ।

दुर्घटनापछि टाउकोमा गम्भिर चोट लागेका झाको उपचारको लागि जनकपुर तर्फ ल्याईएको जनाईएको छ । अहिले बस र बसचालक तथा मोटरसाईकल प्रहरीको नियन्त्रणमा रहेको जनाईएको छ ।