धनुषाका सँचारकर्मी खनालमाथि महेन्द्रनगरका प्रहरी हबल्दार यादवले गरे दुरव्यवहार, कारवाहीको माग

न्यूज ब्यूरो, जनकपुरधाम । जिल्ला प्रहरी कार्यालय धनुषा मातहतको ईलाका प्रहरी कार्यालय महेन्द्रनगरका एक प्रहरीले सँचारकर्मी रोहित खनाललाई दुरव्यवहार गरेको घटना बाहिरिएको छ

धनुषा क्षीरेश्वरनाथ नगरपालिका वडा नं. ५ महेन्द्रनगर क्षेत्रलाई पत्रकारिता गर्दै आएका सँचारकर्मी रोहित खनाललाई प्रहरीले दुरव्यवहार गरेको हो । पत्रकार खनाललाई इलाका प्रहरी कार्यालय महेन्द्रनगरमा कार्यरत हबल्दार वीरेन्द्र यादवले दुर्व्यवहार गरेका हुन् ।

सँचारकर्मी खनालले शनिवार विहान आफ्नो खेतिवारि सम्बन्धी समस्या बारे निवेदन दर्ता गराउन जाँदा प्रहरी हल्दार यादवले गाली गलौच गर्दै दुर्व्यवहार गरेको आरोप लगाईएको छ ।

पीडित पत्रकार सम्राटको अनुसार आफू र आफ्नो परिवार प्रति वारम्बार भौतिक आक्रमणको धम्की आउदै गर्दा शान्ति सुरक्षा पाउँ भनि निवेदन दर्ता गराउन इप्रका पुगेको बेला हल्दार यादवले अपशब्द प्रयोग गर्नुको साथै कुटपिट गरि प्रहरी विट वाहिर निकाल्ने वरवरतापूर्ण धम्की दिएका हुन् ।

हबल्दार यादवले आफूलाई हातपात गर्ने प्रयास समेत गरेको तर, इलाका प्रहरी कार्यालय महेन्द्रनगरका प्रहरी निरीक्ष दिपक कार्कीले रोकेपछि आफू जोगिएको बताए । उनले घटना हुँदा प्रनि कार्की त्यहि उपस्थित भएको बताए ।

यसरी प्रहरीले पत्रकार सम्राट माथि गरेको दुर्व्यवहारको घटनाको घोर निन्दा गर्दै पत्रकारीता विकास प्रतिष्ठानले दोषि उपर कारबाहीको माग गरेको छ ।

प्रतिष्ठानका अध्यक्ष अजय साहले एक विज्ञप्ती जारी गर्दै घटनामा संलग्न प्रहरी हबल्दार विरेन्द्र यादव उपर कारबाहीको माग गरेको छ ।

विज्ञप्तीमा पत्रकार सम्राटले आफू पीडित भई न्यायको लागि तथा शान्तिसुरक्षा पाउनको लागि भनि इप्रका पुगेकोमा उल्टै उनि माथि दुर्व्यवहार हुनु दुःखद र खेदजनक भएको उल्लेख छ । विज्ञप्तीमा उल्लेख छ , ’सर्वसाधारण कुनै पनि नागरीक आफू पीडित हुँदा न्यायको लागि प्रहरी प्रशासन समक्ष पुग्छन् भने उनको निवेदन दर्ता गरी सोधपुछ गरी छानबिन गर्नु पर्नेमा उल्टै दुर्व्यवहार गर्नु पदयीय दायित्व बिर्सेर नागरीक माथि संविधानको मौलिक हक र कर्तव्य अन्तर्गत धारा १६ सम्मानपूर्वक बाँच्न पाउने हक र धारा १७ स्वतन्त्रताको हक माथि प्रहार भएको ठहर गर्दै दोषि उपर कारबाहीको माग गर्दछौं ।’