जनकपुरः एक सरकारी स्कूलमा आगो तापेर चोरी, ग्यास सिलिन्डरदेखि मसालासम्म चोरी

बिजय ठाकुर, जनकपुरधाम । एक समुदायिक विद्यालयमा चोरले आगो तापेपछि सबै समानहरु चोरी गरेर लगेको घटना बाहिरिएको छ ।

धनुषाको मिथिलाबिहारी नगरपालिका वडा नम्बर ५ ललिया टोलस्थित रहेको माध्यमिक विद्यालय ललियामा बुधबार राती चोरी भएको हो ।

चोरले कार्यालयमै रहेको चुल्हामा आगो सल्काएर आगो तापेपछि विद्यार्थीको खाजाको लागि ल्याएको समान चोरी गरी लगेको हो ।

चोरले विद्यार्थीहरुलाई खाजाको लागि ल्यएको सामग्री ग्यास सिलिन्डर २ थान , प्रेसर कुकर २ थान , चामल ३० किलो , ग्यास चुल्हा ठूलो १ थान , कराह १ थान , बाल बिकास विद्यार्थीहरुको लागि ल्याएको झोला २० थान , मसालाहरु चोरी गरी लगेको हो ।

चोरले बिधालयको भान्सा घरमा आगो समेत तापेका छन । भान्सा कोठाको ताल्चा फोडेर चोर भित्री छिरेको प्रधानाध्यापक अजय कुमार यादवले जनाए । उनका अनुसार, चोरले करिब ४० हजार बराबरको सामग्री चोरी गरेको हो ।

सोही विद्यालयमा रहेको कम्प्युटर ल्याब , पुस्तकालय र विज्ञान प्रयोशाला भने सुरक्षित रहेको छ ।