धनुषाको दिगम्बरपुरमा दलितसँग छलफल, ६ योजना तर्जुमा

न्यूज ब्यूरो |
जनकपुरधाम, २३ जेठ । धनुषाको क्षीरेश्वरनाथ नगरपालिका वडा नं. ८ दिगम्बरपुरमा दलित, अल्पसँख्यकसँग योजना तर्जुमाको लागि छलफल गरिएको छ ।

समाजिक सँस्था सपोर्ट नेपाल धनुषाको अगुवाईमा वडा नं. ८ दिगम्बरपुर महरा टोलमा स्थानीय दलितहरुसँग विकास निर्माण र गरिबी न्यूनिकरण बारे योजना तर्जूमा गरिएको हो ।

वडाध्यक्ष अशेश्वर महतोको अध्यक्षतामा बुधबार विहान टोलका दलितहरुलाई एक ठाउँमा भेला गराई आर्थिक वर्ष २०७५ ७६ को लागि बजेटमा वडाका दलितहरुको लागि योजना तर्जुमा सर्व सहमतिले गरिएको हो ।

दलित समुदायका अगुवाहरुको अगुवाईमा महिलाहरुको लागि चुडी लहठी तालिम र सिलाई कटाई तालिम तथा पुरुषहरुको लागि पलम्बर र विद्युतीय समाग्री मर्मत तालिम, खानेपानी बोरिँग, सिँचाईको लागि बोरिँग सहित ६ वटा योजना तर्जुमा गरिएको हो ।

सपोर्ट नेपाल धनुषाका कार्यक्रम सँयोजक प्रकाश ठाकुरले उनीहरुसँग छलफल र योजना तर्जुमाको लागि वातावरण मिलाएका थिए ।

छलफल कार्यक्रममा ४ दर्जन दलित महिला पुरुषले सहभागिता जनाउँदै सपोर्ट नेपालको कार्यको प्रशँसा गर्दै वडाध्यक्ष महतोसँग थप साकारात्मक प्रयासको अपेक्षा जाहेर गरे ।

वडाध्यक्ष महतोले दलित वस्तीमा गरेको प्रयास र विकास निर्मााणप्रति उनीहरुले सन्तुष्टता प्रकट गरेको थियो ।