धनुषाको धारापानीमा ४५ दिने सिलाईकटाई तथा बुनाई तालिम

विनय कुमार यादव |
जनकपुरधाम, २१ जेठ । धनुषाको धारापानीमा ४५ दिने सिलाईकटाई तथा बुनाई तालिम सुरु भएको छ ।

धनुषाको धनुषाधाम नगरपालिका वडा नं. ९ धारापानीमा गैर सरकारी सँस्था दलित युवा सँजाल केन्द्रको आयोजना तथा धनुषाधाम नगरपालिकाको विशेष सहयोगमा उक्त तालिम सुरु भएको हो ।

क्रेन्द्रका अध्यक्ष विशेश्वर मण्डलको अध्यक्षता एवम् वडाध्यक्ष सँजीव यादवको प्रमुख आतिथ्यमा भएको उद्घाटन कार्यक्रममा वडाध्यक्ष यादवले सिलाई कटाई तालिमबाट स्थानीय महिलाहरुको जीवनस्तर उकास्ने दाबी गर्नुभयो ।

वडाकी २० महिला सिलाईकटाई तथा १० महिला बुनाईको तालिममा सहभागी भएको जनाइएको छ । यो ४५ दिने तालिमपछि उनीहरुले घरमै बसी आर्थिक उपार्जन गर्न मद्दत पुग्ने विश्वास लिइएको छ ।

नेपाल सरकारले गरिबी निवारण क्षेत्रमा निरन्तर काम गर्दै गर्दा स्थानीय स्तरमा दलित, अल्पसँख्यक, सिमान्तकृत, पिछडीएका वर्ग, मुस्लिम समुदायबाट महिलाहरुलाई सहभागी गराएपछि गरिबीको रेखाबाट माथी उठन मदत पुग्ने बताइएको छ ।

उद्घाटन कार्यक्रममा वडासचिव जगदिस मण्डल, पूर्व समाजिक परिचालक एवम् वडा नं. ८ की सहायक शान्ति कुमारी लामा, श्रीचन्द्र मण्डल, राम जतन साह लगायत स्थानीय सरोकारवालहरुको सहभागिता रहेको थियो ।