जनकपुर क्षेत्रमै पहिलो पटक 'कल्चरल भिलेज' सँचालनमा, गाउँ क्षेत्रमै जँगलको मज्जा 

न्यूज ब्यूरो, जनकपुरधाम । जनकपुरधाम क्षेत्रमा पहिलो पटक जँगलको मज्जा दिने गरी कल्चरल भिलेज सँचालनमा आएको छ । 

जनकपुरधामदेखि धनुषाधाम जाने बाटोमा मिथिलेश्वर मौवाहीस्थित “कल्चरल भिलेज” सँचालनमा आएको हो । जनकपुर–धनुषाधाम सडकखण्डस्थित पीच सडकमै मिथिलेश्वर चौकदेखि पश्चिम रिसोर्ट खालको कल्चरल भिलेज सँचालनमा आएको हो । 

“जहाँ अतित वर्तमानसँग मिल्छ” नारासहित शहरिया बसोबास गर्ने व्यक्तिहरुको रिल्याक्सेन, रिफ्रेसमेन्टको लागि सो कल्चरल भिलेज उत्तम स्थान हुने सँचालक देवनारायण मण्डलले बताए । मण्डलका अनुसार, शहर बसोबास गर्ने परिवारले गाउँ तर्फ आउँदा, धार्मिक स्थल घुमघामको लागि आउँदा पुरानो रितिरिवाज, परम्पारिक, पुरानो स्वाद र व्यञ्जनहरुको मज्जा यसमै लिन सकिने बताए । 

कल्चरल भिलेजमा ठुल ठुला पोखरी, रिसोर्ट, बागवानी, तरकारी, सभाहल, बगैँचासहित राती बास बस्नको लागि फूसकै घरमा उत्तम सुविधा पाउने जनाएको छ । कल्चरल भिलेजमा जाने अतिथिको लागि पोखरीमा आफैँ बल्छी (बन्सी) ले माछा मारेर आफैँ बनाउन सकिने, क्याम्प फायर बालेर पार्टी गर्न सकिने, शाकाहारी र माँसाहारीको लागि अलग अलग क्याम्पको व्यवस्था गरिएको छ । 

यससँगै राती वास बस्ने अतिथिहरुको आग्रहमा झिझिया नाच, झरी झरी लगायतका नाचगानहरु समेत देखाईने मण्डलले जनाए । उनका अनुसार, कम्तीमा १० जना अतिथि भए नाचगानको व्यवस्था गरिनेछ । त्यसको लागि चारैतर्फ लाईट जडान गरी नाचगानको बेग्लै स्थल बनाएको हो । 

बीचमा नाचगान हुने तथा चारैतर्फ अतिथिहरु बसेर साँस्कृतिक कार्यक्रमको आनन्द लिन सकिने बताए । कल्चरल भिलेजमा जाने अतिथिको लागि रिसोर्टभित्रै लगाईएको शुद्ध अर्गानिक खेतीको तरकारी, दाल र अन्य परिकारहरु खान पाउने बताए । 

शाकाहारीको लागि दाल, भात, चटनी, अचार, पापड, तिलौरी, तिसौरी, बिरियाको सब्जी, कुम्हरौरीको सब्जी, अदौरीको सब्जी, पुदिनाको चटनी, धनियाँको चटनीसहित अतिथिको डिमाण्डको आधारमा खाना तयार गरिने बताए । माँसाहारी अतिथिको लागि भने बेग्लै सम्पूर्ण व्यवस्था गरिएको बताए । 

उनका अनुसार, कल्चरल भिलेजभित्रै सम्पूर्ण समानहरु समेत पाईने भएकोले अतिथिले आफैँ कुनै परिकार बनाउन चाहेमा बनाउन सकिने बताए । त्यसवापत उनले समानको मात्र शुल्क तिर्नुपर्ने बताए । 

कल्चरल भिलेजभित्रै झुला, पिँग, म्यूजियम समेत सजाउन लागिएको हो । कल्चरल भिलेजमा चिया, कफी, छनका, काढा समेत माटोको वर्तन प्रयोग हुने बताए । उनले शितल जल भनिने घैँटाको पानी अतिथिले रुचाए अनुसार खान सकिने बताए । 

बाहिरबाट आउने अतिथिहरुको लागि बैलगाडामा गाउँ घुमाउने रोचक हुने बताए । उनले खास प्रोफेश्नल व्यक्ति, परिवारको लागि उत्तम स्थान हुने बताए । भित्रै सँचालन गरिएको रेष्टुरेन्टमा आफूखुसी परिकारहरु पाउने बताए । 

नयाँ बर्ष २०२४ को लागि तयारी सुरुः

अँग्रेजी नयाँ बर्ष २०२४ को लागि कार्यहरु धमाधम सुरु भएको बताए । उनले बाहिरबाट पिकनिक मनाउन आउने अतिथिहरुको लागि पोखरीको डील, खेत, गोहिया समेत उपलब्ध गराउने बताए । पिकनिक मनाउनको लागि अन्य विभिन्न स्थानमा जानुभन्दा यसभित्रै जँगलको आनन्द लिन सकिने बताए । उनले अतिथिहरु राती बास बसेमा बिहानै विभिन्न चराचुरुँगीहरु समेत देखाउने व्यवस्था मिलाएको बताए । 

कल्चरल भिलेजभित्रै केरा, अम्बा, अँगुर, आँप, ड्रागन फ्रुट लगायतका फलफूलहरु लगाएकोले ताजा फलको समेत आनन्द लिने सकिने बताए । सँचालक मण्डलका अनुसार, जनकपुर घुम्न आउने पर्यटक, जनकपुरबाट धनुषाधाम घुम्न जाने पर्यटकले कल्चरल भिलेजभित्रै अनेकौँ स्वाद चाख्न पाउने बताए ।