मँसिर २२ गते शुक्रबार कारिक बाबा परौलमा बलि प्रदान नहुने, खँसी बोका लिएर नआउन आग्रह

न्यूज ब्यूरो, जनकपुरधाम । प्रसिद्ध धार्मिक स्थल कारिक स्थान परौलमा आउँदो शुक्रबार बली प्रदान कार्यक्रम नहुने जनाईएको छ ।

सातामा सोमबार र शुक्रबार विधिवत रुपमा भाकलको बलि प्रदान हुँदै आएकोमा आउँदो मँसिर २२ गते शुक्रबारको दिन नेमान भएकोले बलि प्रदान नहुने हुँदा बलि प्रदानको लागि नआउन आग्रह गरिएको छ ।

कारिक बाबा मन्दिर व्यवस्थापन पक्षले एक सूचना जारी गर्दै प्रत्येक बर्ष मँसिरमा अगहनियाँ पूजा हुँदै आएकोमा यस बर्ष खोटा नेमान पर्व मँसिर २२ गते पर्न गएको हुँदा सो दिन बलिको कार्यक्रम नहुने बताईएको छ ।

शुक्रबार बैरागन हुने भएकोले दुर दराजबाट आउने श्रद्धालुहरुलाई बलिको खँसी बोका लिएर नआउन आग्रह गरेको हो । जानकारी अभावमा अधिक दुर दराजबाट श्रद्धालुहरु आएर सास्ती भोग्नु परेको भन्दै एक साता अघि नै सूचना जारी गरिएको हो ।