करेन्ट लागेर गम्भिर घाईते भएका नदाफको मृत्यू

न्यूज ब्यूरो |
जनकपुरधाम, १६ जेठ । करेन्ट लागेर गम्भिर घाईते भएका सिराजुल नदाफको मृत्यू भएको छ ।

धनुषाको धनुषाधाम नगरपालिका वडा नं. ४ लक्ष्मीपुर स्थित रहेको एक पीपलको बोटमा खसेको बिजुलीको ३३ केभिए भोल्टको तारका कारण करेन्ट लागेर गम्भिर घाईते भएको थियो ।

स्थानीय रफिद नदाफको वर्ष १२ का छोरा सिराजुल नदाफ आफ्नै गाउँ बाहिर रहेको पीपलको बोट छुँदा करेन्ट लागेर आधि शरिर जलेको थियो ।

जलेर गम्भिर घाईते भएका नदाफलाई धनुषाधाममा प्राथमिक उपचारपछि विराटनगर रिफर गरिएको थियो । रकम अभावका कारण विराटनगरबाट पुनः जनकपुर अञ्चल अस्पतालमा ल्याएका नदाफलाई अवस्था विग्रीएपछि काठमान्डौको लागि रिफर गरिएको थियो ।

नदाफलाई उपचारको लागि काठमान्डौ लैजादै गर्दा मँगलबार साँझ करिब ५ बजेतिर बाटोमै मृत्यू भएको परिवारजनले जनाएको छ ।

विद्युत प्राधिकरणको लापरवाहीका कारण नदाफको मृत्यू भएको हो ।