जनकपुरमा भोकले फोहोर डँगुरमा छटपटाइरहेका एक पुरुषको मानव सेवा आश्रमले गरे उद्धार

न्यूज ब्यूरो, जनकपुरधाम । भोकले छटपटाईरहेका एक पुरुषको जनकपुरबाट उद्धार गरिएको छ ।

जनकपुरधाम उपमहानगरपालिका वडा नं. १० देविचौकस्थित फोहोरको डँगुरमा खाना खोज्दै छटपटाईरहेको अवस्थामा मानव सेवा आश्रम जनकपुर शाखाले उद्धार गरेको हो । अत्यधिक भोकको कारण फोहोर डँगुरमा खाना खोजेर छटपटाएको हुनुपर्ने अनुमान गरिएको छ ।

फोहोर डँगुरमा एक व्यक्ति विगत ३÷४ दिनदेखि छटपटाईरहेको खवर पाएपछि मानव सेवा आश्रम जनकपुरबाट खटेको स्वयंसेवकहरुले पुरुषको उद्धार गरेको हो । शरिर कुनै कपडा नभएको नाँगो अवस्थामा फोहोरको डँगुरमा उनी फेला परेका हुन् । स्वयँसेवकसहित जनपद प्रहरीले लत्ता कपडा लगाएर आश्रम लगेको जनाएको छ ।