शिक्षा सुधारको लागि शहिदनगरमा SIP गोष्ठी

न्यूज ब्यूरो |
जनकपुरधाम, १४ जेठ । नगर भित्र रहेका समुदायिक विद्यालयहरुको अवस्था सुधार र सुदृढिकरणको लागि एसआईपी (School Improvement Plans) निर्माण सम्बन्धि गोष्ठी सुरु भएको छ ।

धनुषाको शहिदनगर नगरपालिका भित्र रहेका समुदायिक विद्यालयहरुको वर्तमान अवस्था सुधारको लागि तथा दोस्रो नगर परिषद्मा शिक्षामा गर्नुपर्ने लगानको बारेमा पूर्वयोजना अनुरुप एसआईपी निर्माण सम्बन्धित कार्यशाला गोष्ठी राखिएको हो ।

नगर शिक्षा समितिद्धारा आयोजित पत्रकार सम्मेलनमा समिति सँयोजक प्रदीप साहले नगरभित्र रहेको समुदायिक विद्यालयहरुमा एसआईपी निर्माण गोष्ठीबाट सबै विद्यालयहरुमा सँचालन गरी शिक्षा समितिलाई बुझाउनुपर्ने हुन्छ । जसले गर्दा विद्यालयको वर्तमान स्थिति, समस्या, कमी, कमजोरी र अवस्था बारे जाहेर गरी सुधार तर्फ उन्मुख गरिने छ ।

यसपालीको बजेट अनुरुप प्रअहरुको असक्षमताको कारण नेपाल सरकारबाट प्राप्त विभिन्न सुविधाहरुबाट बञ्चित भएको भन्दै आगामी बजेटमा सबै समावेश गरिने जनाए ।

पत्रकार सम्मेलनमा बोल्दै नगर प्रमुख उदय कुमार बरबरियाले नगर शिक्षा समिति मार्फत नगरपालिकामा कृषि शिक्षा, प्राविधिक शिक्षाको लागि आगामी बजेटमा पहल गर्ने जनाउँदै नगरमा एउटा पनि नमुना विद्यालय नरहेको प्रति खिन्नता प्रकट गरे ।

नगरमा कक्षा ११ मा शिक्षा सँकाय बाहेक अन्य कुनै पनि सँकाय नरहेको भन्दै यसपाली देखि अन्य सँकायहरु सँचालन तर्फ समेत उन्मुख हुने बताए ।

३ दिने एसआईपी गोष्ठीपछि समुदायिक विद्यालयको अवस्था वर्तमान भन्दा पृथक र मजबुत हुने दाबी गरिएको हो ।

पत्रकार सम्मेलनमा शिक्षक राजकुमार कर्माचार्यले सहजीकरण गरेका थिए ।