सिरहामा खोलाको बाढीले बगाउँदा एक युवकको मृत्यू

न्यूज ब्यूरो, सिरहा । मधेश प्रदेशको सिरहा जिल्लास्थित बाढीले बगाउँदा एक युवकको ज्यान गएको छ । घटना शनिबारको हो ।

सिरहाको भगवानस्थित रहेको सर्रे खोलाको बाढीले बगाउँदा सिरहाको लहान नगरपालिका वडा नं. २४ झुटकीका ३५ वर्षीय शिवनारायण यादवको मृत्यू भएको हो ।

शनिबार बाढीले बगाएको उनको शव नहरा– भगवानपुर स्थित बलान खोलामा आइतबार फेला परेको जिल्ला प्रहरी कार्यालय सिरहाले जनाएको छ । उनी शारीरिकरुपमा अशक्त (अपाङ्ग) रहेका थिए ।