धनुषामा दुई पक्षबीच झगडा, पाँच घाईते

न्यूज ब्यूरो, जनकपुरधाम । पूर्वी धनुषाको कमला नगरपालिकास्थित दुई पक्षबीच झगडा हुँदा पाँच जना घाईते भएका छन् ।

कमला नगरपालिका वडा नं.२ माचि झिटकैया उत्तरबारी टोलस्थित वडा नं. २ का वडाध्यक्ष ठकु यादवका छोरा र सोही स्थान बस्ने मुन्नी यादव र लोरिक यादवको परिवारबीच झगडा हुँदा पाँच जना घाईते भएको हो । घाईते दुवै पक्षबाट भएको प्रहरीले जनाएको छ ।

सोमबार अपरान्ह पुरानो रिसबईलाई लिएर झगडा भएको बताईएको छ । वडा नं. २ का वडाध्यक्ष यादवसँग पुरानो रिसबी बोकेका मुन्नी यादव र लोरिक यादवले पटक पटक आक्रमणको प्रयास गरेको आरोप छ । यता, वडाध्यक्षका कान्छो छोरा रबिन यादवले बियरको बोतल घरको गेटमा फालेपछि विवाद भएको बताईएको छ ।

अपरान्ह भएको बालकहरुको झगडाको क्रममा माथि छत्तबाट लोरिक र मुन्नी पक्षबाट ईट, पत्थर फाल्न थालेपछि विवाद उग्र भएको थियो । सो क्रममा वडाध्यक्षका जेठा छोरा अशोक यादव, कान्छा छोरा रबिन यादव र सोही स्थान बस्ने जगदेव यादवका छोरा समेत घाईते भएका छन् ।

लोरिक र मुन्नी पक्षबाट उनका छोरा र एक महिला घाईते भएको जनाईएको छ । अशोक, रबिन र जगदेवका छोराको उपचार जनकपुरस्थित भईरहेको छ भने लोरिक मुन्नी पक्षबाट घाईते भएका युवक र महिलाको उपचार समेत जनकपुरमै भईरहेको जनाईएको छ ।

सो सन्दर्भमा वडाध्यक्ष ठकु यादवले आफू कार्यालयमा रहेको बेला झै झगडा भएको बताए । उनले पुरानै रिसबीलाई लिएर पटक पटक लोरिक यादव र मुन्नी यादवले झै झगडा गर्दै आएको सुनाए ।

सो सन्दर्भमा ईलाका प्रहरी कार्यालय खजुरीले समान्य झगडा रहेको बताएका छन् । समान्य झै झगडा भएकोले निवेदनको आधारमा अनुसन्धान गर्ने जनाईएको छ ।