रेलमा दुवै खुट्टा गुमाएका मनिकलालले जनमतका डा. श्यामबाबुको सहयोगमा पाए कृतिम खुट्टा

न्यूज ब्यूरो, जनकपुरधाम । वैदेशिक रोजगारीको लागि जाँदै गर्दा रेल्वेमा दुवै खुट्टा गुमाएका धनुषाका एक युवकलाई जनमत पार्टीको भातृ सँगठन गैर आवासीय मधेशी सँघमार्फत डा. श्यामबाबु महतोले नीजि खर्चमा कृतिम खुट्टा बनाईदिएपछि खुसीको सीमा रहेनन् ।

रेल दुर्घटनामा दुवै खुट्टा गुमाएका धनुषा शहिदनगर नगरपालिका वडा नम्बर ६ हठीपुर बस्ने मनिक लाल महराले रेल दुर्घटनामा दुवै खुट्टा गुमाएको खवरपछि गैर आवासीय मधेशी सँघमार्फत डा. श्यामबाबु महतोले नीजि खर्चमा दुवै खुट्टा बनाईदिएको हो ।

वैदेशिक रोजगारको शिलशिलामा भारतमा रेलको लिकमा चिप्लेर दुबै खुट्टा गुमाएको विपन्न परिवारका महरालाई धेरै अप्ठयारो भएपछि उनलाई जनमत पार्टीका नेताडा. श्यामबाबु महतोले सहयोग गरेका छन् ।

महरालाई जनमत पार्टीको भातृ संगठन गैर आवासीय मधेसी संघका महासचिव डा. श्यामबाबू महतोले आफनो पहलमा आफ्नै निजि सहयोगवाट धनुषाको लालगढ अस्पतालमा दुबै खुट्टा लगाई सम्पुर्ण अस्पताल खर्च सहयोग गरेका छन् ।

उपचारको क्रममा लागेको सम्पूर्ण खर्च रु ९३ हजार ७ सय ७८ रुपैयाँ डा. महतोले नीजि रुपमा तिरेका छन् । डा. श्यामबाबुले आफैँ उनको जिम्मा लिएर उनको उपचार तथा कृतिम खुट्टा सम्म लागेको सम्पूर्ण खर्च तिरिदिएका हुन् ।

सोमवार अस्पतालबाट महरालाई डिस्चार्ज गराएर गाँउ हठिपुर स्थित प्रसिद्व र आकर्षणको केन्द्र बनेको स्थानिय शिव मन्दिरमा पुजापाठ गराई महरालाई घर पुरयाउँदा महराको मुहारमा हाँसो थियो । उनी घाइते भएपछि उनको परिवार बिचल्लीमा परेको छ ।