हुलाक कर्मचारी एसोसिएसन धनुषाद्वारा कालोपट्टी बाँधी विरोध प्रदर्शन

न्यूज ब्यूरो, जनकपुरधाम । धनुषामा नेपाल अतिरिक्त हुलाक कर्मचारी एसोसिएसन धनुषा द्वारा कालोपट्टी बाँधी मंगलबार विरोध प्रदर्शन गरिएको छ ।

सरकारले आफुहरुको जायज माग सम्बोधन गर्नुको सट्टा कार्यालय विघटन गरि अमर्यादित कार्य गर्न खोजेको भन्दै जिल्ला हुलाक कार्यालय र यस अन्तर्गत रहेका १३ ओटा ईलाका हुलाक कार्यालयले एक साथ विरोध प्रदर्शन गरेका छन ।

‘अतिरिक्त हुलाक कार्यालयमा कार्यरत कर्मचारीहरुले आन्दोलनमा लागेपछि सेवाग्राहीलाई समस्या समेत भइरहेको स्थानियहरुले बताएका छन् । अवरुद्ध सेवालाई सुचारु गर्न इलाका तथा जिल्ला हुलाक कार्यालयका कर्मचारीहरु मार्फत पहल भए पनि तत्काल सम्भव नभएपछि थप समस्या भएको छ । देशभर १० हजार भन्दा धेरै कर्मचारी अतिरिक्त हुलाक कार्यालयमा कार्यरत छन् ।

अतिरिक्त हुलाक कार्यालय अन्तर्गत तीन प्रकारका कर्मचारी हुन्छन् । बजेट प्रस्तुत भएको भोलिपल्टदेखि नै कर्मचारीहरु विभिन्न माग राखेर आन्दोलन गरिरहेको छ ।

अतिरिक्त हुलाक कार्यालयमा कर्मचारीहरुले हुलाक प्रतिनिधि र पत्र वितरकले मासिक ८ हजार ३ सय १० रुपैया र डाक बाहकले ७ हजार २ सय ७५ रुपैया पारिश्रमीक पाउँदै आएका थिए ।