धनुषामा विद्यालय भर्ना अभियानमा बालबालिकाको "महा रैला"

न्यूज ब्यूरो |
जनकपुरधाम, ७ जेठ । गोगो फाउण्डेशन धनुषाद्धारा सँचालित हाम्रो शिक्षा परियोजना अन्तर्गत सोमबार धनुषाको ग्रामिण भेकमा विद्यालय भर्ना अभियानको लागि विशाल रयाली निकालिएको छ ।

जिल्लाको १६ वटा समुदायिक विद्यालयमा लागु गरिएको हाम्रो शिक्षा परियोजना अन्तर्गत सोमबार धनुषाको मुखियापट्टी मुसरनिया गाउँपालिका वडा नं. ४ तुल्सियाही जब्दीमा विद्यालय भर्ना अभियानको लागि विशाल रयाली निकालियो ।

स्थानीय स्तरको लागि मधेस सचेना केन्द्र नेपाल नामक गैर सरकारी सँस्था र वै.दे.ज.मावि तुल्सियाहीको सँयुक्त आयोजनामा विद्यालय भर्ना अभियान २०७५ मूल नारा सहित विशाल रयाली प्रर्दशन गरिएको हो ।

विद्यालय व्यवस्थापन समितिका अध्यक्ष कविन्द्रनाथ ठाकुरको अध्यक्षतामा निकालिएको विशाल रयाली वडाको विभिन्न भागमा परिक्रमा गर्दै विद्यालयका १५ सय बढी बालबालिकाहरुले विद्यालय भर्ना अभियानको लागि जनचेतनामूलक कार्यक्रम सम्पन्न गरेको हो ।

हामी सबैको ईच्छा, निःशूल्क आधारभूत शिक्षा मूल नारा सहित विद्यालय भर्ना अभियानको लागि निकालिएको आजको रयाली विशाल र सबभन्दा बढी बालबालिकाहरुको सहभागी भएको रयाली थियो ।

विद्यालय बाहिर रहेका बालबालिकाहरुलाई विद्यालयसम्म पहुँच बढाउनको लागि यो महारैला जनचेतना र पूर्णतः सचेनात्मक भएको फाउण्डेशनका जिल्ला सँयोजक धर्मेन्द्र ठाकुरले बताए ।

ठाकुरका अनुसार, पिछडीएको क्षेत्र मानिएको धनुषाको मुखियापट्टी मुसरनीया गाउँपालिका त्यस वडाका समुदायिक विद्यालयबाट यतिको छात्रछात्रा तथा बालबालिकाहरु रयालीमा सहभागी हुनु हाम्रो शिक्षा परियोजनाको लागि सफलताको सँकेत भएको दाबी गरे ।

घरदैलो कार्यक्रम अनुरुप निकालिएको विशाल रयालीमा मधेस सेचना केन्द्रकी कोषाध्यक्ष अस्मिता ठाकुर, सहजकर्ता विक्की मण्डल, विद्यालयका प्रधानाध्यापक बलदेव महतो, वडाध्यक्ष उदय चन्द्र झा सहित विद्यालयका सम्पूर्ण शिक्षक शिक्षिका तथा विद्यार्थीहरुको मोटो सहभागिता रहेको थियो ।