बारा २ मा जसपाको महिला कार्ड, बाहिरबाट मान्छे बोलाएर सिके राउतका कार्यकर्तालाई कुटपिट

न्यूज ब्यूरो, बारा । भोली आईतबार हुने उप निर्वाचनको लागि बारा निर्वाचन क्षेत्र नं. २ मा मौन अवधिमा जसपाले असली रँग देखाउन थालेका छन् ।

बाहिरबाट मान्छे बोलाएर सिके राउतका कार्यकर्ताहरुलाई कुटपिट गर्न सुरु गरेका छन् । चुनावको मौन अवधिमा मतदाता रिझाउन पैसा बाँडन खटाइएको कार्यकर्तालाई सिके राउतका कार्यकर्ताहरुले निगरानी थालेपछि कुटपिट गर्न थालिएको हो ।

जनमत पार्टीका युवा नेता बिपि साहका अनुसार, भारत बिहारबाट भाडाका गुण्डाहरु बोलाएर जनमत पार्टीका कार्यकर्ताहरुमाथि लाञ्छना लगाउँदै कुटपिट समेत गरेको भिडियोहरु सार्वजनिक भएको छ ।

पैसा बाँडदै गर्दा रँगेहात पक्राउ परेपछि जसपाका नेता कार्यकर्ताहरुले महिलासँग जोडेर महिला कार्ड खेल्न थालेको आरोप लगाएका छन् । महिला प्रयोग गरी जनमतका कार्यकर्ताहरुलाई विभिन्न झुठा आरोप लगाएर फँसाउन खोजिएको आरोप लगाएका छन् ।

चुनावको सम्भावित मत परिणाम आएपछि जसपाका कार्यकर्ताहरुमा बौखलाहट देखिएको नेता साहले बताए । उनले जसपाले पुरानै शैलीमा जँगलराज कायम गर्न खोजेको बताए ।

बारा २ कै जनमत पार्टीका एक नेतालाई भारत बिहारबाट बोलाइएका भाडाका गुण्डाहरु लगाएर कुटपिट गर्न लगाएको आरोप छ । यस्तो गतिविधिले झन डा. सिके राउतप्रतिको क्रेज र भावना बढने उनले बताए ।