शिवराजसँग सम्बन्ध बिग्रन थालेपछि निहारिकाले गरिन जहर खाएको नाटक

न्यूज ब्यूरो, जनकपुरधाम । कुमारी आमा भनेर चिनिने महोत्तरीकी निहारिका सिँह राजपुतले जहर (विष) सेवनको नाटक गरेकी छन् ।

जनकपुरधाम उपमहानगरपालिका वडा नं. ४ विषहराचोक स्थित रहेको रहेको मिट क्याम्पसको छेउमै डेरा बस्दै आएकी निहारिकाले विष सेवनको नाटक गरेको खुलेको छ ।

दिउँसो गेँट खोलेर बेडमा बिष खाएको नाटक गरेकी निहारिकालाई प्रहरीले आफ्नै गाडीमा बोकेर अस्पताल पुरयाएको थियो । उनी डेरामा अचेत अवस्थामा फेला परेकी थिइन। त्बतब

स्थानीयले निहारिका डेरामै छटपटाइरहेको भनेर प्रहरीलाई खबर गरेका थिए । डेरामा बस्ने छिमेकीलाई निहारिकाले ‘मलाई विष खुवायो’ भनेर अन्तिम शब्द बोल्दै ढलेको नाटक गरेकी थिइन् । तर जिल्ला प्रहरी कार्यालयका डीएसपी वेदप्रसाद गौतमले उनले विष नखाएको बताए ।

‘विष सेवन गरेको आशंका गरिएको थियो तर अस्पतालले त्यस्तो केही छैन, अवस्था सामान्य छ’,डीएसपी गौतमको भनाइ छ । निहारिकाले करिब तीन महिनाअघि शिवराजसँग विवाह गरेकी थिइन् । स्रोतकाअनुसार निहारिका र शिवराजको सम्बन्ध बिग्रिन थालेपछि उनले यस्तो नाटक गरेकी हुनसक्छिन् ।