कमला नगरपालिकामा लागुऔषध र दाईजोप्रथा विरुद्धको सडक नाटक, स्थानीयहरु उत्साहित

न्यूज ब्यूरो, जनकपुरधाम । पूर्वी धनुषाको कमला नगरपालिका वडा नं. २ स्थितको वस्तीहरुमा लागुऔषध र दाईजोप्रथा विरुद्धको जनचेतनामूलक सडक नाटक प्रदर्शन गरिएको छ ।

कमला नगरपालिका वडा नं. २ को कार्यालयको आयोजना तथा दुधमति मिडिया प्रा.लि. धनुषाको सहकार्यमा बैशाख १ गतेदेखि ५ गतेसम्म जनचेतनामूलक सडक नाटक प्रदर्शन गरिएको हो ।

समाजमा भईरहेको लागूऔषध दुरव्यर्सनको शिकार र दाईजो प्रथा विरुद्धको जनचेतनामूलक सडक नाटक प्रदर्शन गरिएको हो । वडा नं. २ को पाँच वस्तीमा सडक नाटक प्रदर्शन गरिएको हो ।

५ दिनसम्म गरिएको सडक नाटकको क्रममा स्थानीयहरुले पुनः यस्ता सडक नाटकहरु गर्नुपर्ने माग उठाए । सडक नाटकबाट प्रत्यक्ष प्रभाव र आफूहरु प्रभावित हुने गरेको भन्दै उनीहरुले बेला बेला यस्ता कार्यक्रमहरु गर्नुपर्ने माग राखे ।

सो क्रममा विभिन्न नाटक स्थलमा पुगेका वडा नं. २ का वडाध्यक्ष ठकु यादवले आगामी दिनमा पनि समाजिक चेतनामूलक कार्यक्रमहरु राख्ने प्रतिवद्धता जाहेर गरे । उनले अन्य विभिन्न संघ सँस्थाहरुसँग समन्वय गरी चेतनामूलक नाटक कार्यक्रमहरु गर्ने बताए ।

सडक नाटकको लागि विजयलक्ष्मी फाउण्डेशनका कलाकारहरुले सडक नाटक प्रदर्शन गरे । नाटक टीमले वडा नं. २ को सुन्दरपुर टोल, तेलियाहा, बिजुलिया, सराबे र माचि झिटकैया टोलमा सडक नाटक गरेको हो । पाँचै वस्तीमा लागूऔषध र दाईजो प्रथा विरुद्धको जनचेतनामूलक सडक नाटक प्रदर्शन गरिएको हो ।

सडक नाटकको कार्यक्रममा स्थानीय बुद्धिजीवी, शिक्षक, विद्यार्थी, स्थानीय, सँचारकर्मी, प्रहरीको पनि सहभागीता रहेको थियो ।